Во интервју за „Слободен печат“, претседателот на ССНМ Павле Беловски говореше и за случајот на новинарот Фуркан Салиу.

„Недозволиво е да бидат избришани снимките од мобилниот на Фуркан Салиу. Фуркан не прекршил ниту едно етичко новинарско правило затоа што тој најавил дека е новинар и од тој момент тие требале да бидат свесни дека врши новинарски задачи за да информира за настанот на кој присуствувал. Тој не смеел да биде брутално фрлен на земја и притиснат со колено да не може да „диши“. Ние како синдикат и како ЗНМ кога го дискутираме ова во медијација со Техничкиот министер и тој пред нас покажа разбирање за целата ситуација и презема одговорност дека во целост ќе го преиспита случајот преку внатрешната контрола во МВР, а презеде обврска да го преиспита и начинот на примена на сила, уверува Беловски.

„Ние го осудивме однесување во јавноста на техничкиот министер за внатрешни работи кога преку Фејсбук објави и го презентираше целиот случај, затоа што тоа не е од јавен интерес“, вели Беловски.

„Да не забораваме дека Фуркан е во процес пред јавното обвинителство и на Фуркан му се заканува казна затвор доколку обвинителството изгради предмет по таа кривична пријава и го достави до судот. Оттаму, погубно е за една политичка сила ако тргнала да се пресметува со нас новинарите, погубно е и за неа, а погубна е и за целото општество.“, укажува Павле Беловски во интервју за „Слободен печат“.

Целото интервју погледнете го во продолжение: