Конторолор во ЈСП на два пати бил натепан од 61-годишен маж кој бил фатен дека се вози без билет. Според информациите, контролорот прво бил извлечен надвор од автобусот и тепан, а потоа на друга станица бил повторно нападнат од истиот човек.

„На 6 април во 13:00 часот во СВР Скопје 42-годишен маж пријавил дека околу 08:20 часот утрото на своето работно место како контролор на ЈСП за наплати и билети, во два наврати бил физички нападнат од О.А.(61) и од две други лица. Според пријавеното, тој го затекнал О.А. без билет, кој веднаш почнал да му се заканува, го извлекол од автобусот и физички го нападнал. Како што е пријавено, тој успеал да влезе во друг автобус, но на друга постојка повторно бил нападнат од О.А., кој овојпат бил со уште две лица“, известија од МВР.

Се работи на расчистување на случајот.