Париз ќе го забрани јавањето пони во своите јавни паркови од 2025 година, а одлуката уследи по кампањата на активистите за правата на животните кои предупредуваат дека коњите се малтретирани. Јавањето на пони е популарно со децении во париските паркови како Шамп де Марс, Парк Монсо и Парк ду Луксембург, главно за време на викендите и за време на училишните празници.

Групите за заштита на животните со години водат кампања за забрана на јавањето на пони и се жалат на условите во кои се чуваат.

„Коњчињата не се играчки. Децата ништо не учат за нив од овие прошетки и не се создава никаква емотивна врска. Тоа само ги претвора коњчињата во забавни предмети“, вели Амандин Сансивенс, активистка од групата ПАЗ.

Петицијата на ПАЗ за забрана на јавање коњи собрала повеќе од 8.400 потписи. Во јули, градските власти одлучиле постепено да ги укинат лиценците на операторите кои работат со јавање пони.

Компанијата АнимаПони понудила јавање со пони во неколку париски паркови, но морала да ги намали. Директорот на компанијата Стефан Мишо изјавил дека неговите коњчиња се јаваат само околу 150 дена годишно. Тој вели дека со нив работел 35 години и дека „имаат се што им треба“.