Откако акциите на нафтната компанија „Арамко“ за првпат се појавија на берзата, таа стана највредната компанија на светот со пазарна вредност од два трилиони долари.

Саудиската нафтна компанија „Арамко“ достигна пазарна вредност од два трилиона долари, ден откако нејзините акции првпат се појавија на берза.

„Арамко“ стана највредната компанија во историјата кога на вчерашното деби на берзите беше проценета на 1,87 трилиони долари, што во меѓувреме порасна за уште десет отсто.

Таа го остави „Епл“ далеку на второто место со вредноста од 1,19 трилиони долари, иако само 1,5% од акциите на „Арамко“ биле продадени на инвеститори, исклучиво од Саудиска Арабија и Блиски Исток.

Следни на листата највредни компании во светот се „Мајкрософт“, „Алфабет“, „Амазон“ и „Фејсбук“.

„Арамко“, која е во државна сопственост, е најголемиот производител на фосилни горива во светот.