Повеќе од 150 деца на возраст од шест до 11 години, вчера и денеска на Градскиот стадион во Гевгелија учествуваа во традиционалната спортско-забавна манифестација „Отворена фудбалска школа 2019″.

– На тревникот кој го поделивме на неколку полигони, со несебична помош од неколку наставници по физичко воспитување и фудбалски тренери, им помогнавме на децата низ фудбалско забавни и музички игри правилно да го развиваат спортскиот и натпреварувачкиот дух во себе што е и главна цел на оваа традиционална манифестација, изјави Томе Андреев, координатор на проектот во Гевгелија.

Овој хуманитарен, политички неутрален и непрофитен проект, кој е покренат и организиран од една данска асоцијација во Гевгелија се одржа под покровителство на Општина Гевгелија.