Шефот на Комитетот за национална безбедност и надворешна политика на иранскиот парламент, Ебрахим Азизи, изјави дека Украина е легитимна цел за напад откако, како што вели тој, државата започнала да му помага на Израел преку поддршка со беспилотни летала, пренесува РБЦ Украина.

„Неуспешните обиди на Украина да му помогне на Израел ја прават легитимна цел за нас. Со обезбедување поддршка со беспилотни летала на израелскиот режим, пропаднатата Украина ефикасно се приклучи на војната и, според член 51 од Повелбата на Обединетите нации, ја претвори целата своја територија во легитимна цел за Иран“, изјави Азизи.

Член 51 од Повелбата на ОН се однесува на правото на државите на самоодбрана во случај на вооружен напад.