Отцепените републики Доњецк и Луганск предложија амбасадори во Москва

Во Доњецк се слави донесената одлука на Владимир Путин со која Русија ги призна регионите за независни/ Фото Alexander Ryumin / TASS / Profimedia

Околу два и пол месеци по нивното признавање од страна на Русија, самопрогласените источноукраински народни републики Доњецк и Луганск номинираа амбасадори во Москва, пренесе ДПА.

Проруските сепаратисти од Доњецк најавија дека нивните интереси во Москва во иднина ќе ги застапува политичарката Олга Макеева, додека Луганск во Москва ќе го испрати поранешниот новинар Родион Мирошник, кој пред години работеше за тогашниот украински претседател Виктор Јанукович, тесно поврзан со Русија.

Три дена по признавањето на отцепените републики, рускиот претседател Владимир Путин нареди напад врз Украина. По неуспехот да го освои Киев, руските воени напори сега се фокусираат на зајакнување и проширување на руските сепаратистички области во источна Украина, пренесува ДПА.

Видео на денот