Вицепремиерот за европски прашања, Бујар Османи во интервју за Газета Експрес вели дека ДУИ на следните избори ќе настапи сама, но ги повика албанските опозициски партии да се обединат се со цел обединување на албанскиот глас.

Во однос на коалицирање со македонски партии по изборите, Османи вели дека ДУИ ќе го почитува принципот „победник со победник“. Тоа подразбира дека тие ќе коалицираат со победничката партија во македонскиот блок, без оглед дали тоа е СДСМ или ВМРО-ДПМНЕ.

Сепак, Османи тврди дека ДУИ никогаш нема да дозволи укинување на Преспанскиот договор, Договорот за добрососедство со Бугарија и Законот за употреба на јазиците.