О`Саливен: Ѓоковиќ е во Топ 5 најдобри спортисти на сите времиња
Најдобриот светски снукер играч Рони О’Саливен изјави дека српскиот тенисер Новак Ѓоковиќ е меѓу петте најдобри спортисти на сите времиња, пренесе „Еуроспорт“.
Поранешниот англиски фудбалер Џејми Карагер неодамна ги прогласи О’Саливен, атлетичарот Усеин Болт и боксерот Флојд Мејведер за тројцата најдобри спортисти на сите времиња, а Шкотланѓанецот ја состави неговата листа поласкан од коментарите на поранешниот играч на Ливерпул.
– Морам да појаснам што кажа Карагер. Тој избра три од најдобрите од спортовите што ги сака. Карагер очигледно сака снукер, но не беа избрани тројцата најдобри спортисти на сите времиња – рече познатиот снукер.
Ја состави својата листа на најдобрите пет спортисти на сите времиња.
– Аиртон Сена, Мухамед Али, Новак Ѓоковиќ, Рожер Федерер и Тајгер Вудс. Ги сакам победниците, а петмината се победници – се зборовите на О`Саливен.
Тој вели дека мора да му се восхитувате на српскиот тенисер Ѓоковиќ.
– Тој е најдобриот играч на сите времиња и ќе освои најмногу Грен слемови во историјата на тенисот. Тука се и Рожер Федерер и Рафаел Надал, тројцата се феноменална појава за спортот. Доколку се споредиме јас и Новак, имаме различни стилови на игра, јас сум повеќе како Федерер. Рожер има самодоверба, но Новак е повеќе микс на стилови и има сè во себе – рече О`Саливен.