Осака ги повика граѓаните да донираат мантили за дожд на болниците
Во Осака се регистрирани речиси 900 случаи на заразени од новиот коронавирус и претставува најпогоден град по Токио.
Јапонскиот град Осака ги повика своите жители да ги донираат пластичните мантили кои штитат од дожд како помош на болниците кои немаат заштитна опрема за медицинскиот персонал.
Градоначалникот на Осака Ичиро Мацуи рече дека некои здравствени работници носат вреќи за ѓубре додека ги лекуваат пациентите, пренесе Би-Би-Си.
– Ако се заразат лекарите, никогаш нема да го победиме коронавирусот, рече Мацуи и додаде дека постои голем недостиг на заштитна опрема.
На веб-страницата на градот Осака наведено е дека се прифатливи сите бои и стилови мантили кои се наменети за возрасни лица.
Во Осака се регистрирани речиси 900 случаи на заразени од новиот коронавирус и претставува најпогоден град по Токио.
Во Јапонија има повеќе од 8.000 заразени со Ковид-19 и 166 починати.
Јапонските медицински служби веќе предупредија денеска дека ургентната медицината во земјата се соочува со колапспоради големиот број на луѓе кои се заразени од коронавирусот, што исто така би можело да доведе до колапс на целиот здравствен систем.
Во заедничката изјава на јапонското Здружение за акутна медицина и Здружението за итни случаи се посочува дека многу болници одбиваат итни случаи, вклучувајќи мозочни удари и срцев удар и надворешни повреди.