Вицепремиерот и еден од лидерите на Вреди, Изет Меџити денеска изјави дека нема да има градби на скопското Кале, туку просторот ќе биде исчистен и отворен за граѓаните и туристите како споменик на културното наследство и додаде дека Калето веќе нема да се користи за политички цели и поделби.

Обидот за изградба на црквата во 2011 година беше спречен од активисти, а оттогаш градбата е запуштена. Денес, просторот се чисти и се отвора за граѓаните и туристите, како споменик на културното наследство. Владата дејствува институционално за да избегне меѓуетнички конфликти и да го заштити наследството. Калето е доказ за политизацијата и злоупотребите од минатото, но повеќе нема да биде дозволено да се користи за политички цели или поделби.

Тој додаде дека Калето денес е, како што вели, лицето на срамот за политичарите кои го користеле како опција за да ја задржат власта.

Денес, Калето е лицето на срамот на тие политики и политичари кои, за да ја одржат власта, се подготвени да дозволат какво било понижување. Состојбата во која се наоѓа овој споменик денес е потсетник дека политичарите од минатото го користеа како отскочна даска за некои луѓе да влезат во политиката тајно, а не како сериозна понуда. Калето ќе биде реставрирано во достоинствен простор што ја одразува рамноправноста и мултиетничкиот идентитет на градот, соопшти Меџити.

„Опуштете се, нема да има политички градби на просторот!“, додаде вицепремиерот.