OпенАИ цел на хакерски напад: Компанијата издаде итно соопштение, корисниците добија предупредувања
ОпенАИ (OpenAI) потврди дека безбедносниот инцидент во системите на Микспанел (Mixpanel), надворешен аналитички провајдер, резултирал со откривање на ограничени податоци за одредени АПИ(API) корисници. Системите на ОпенАИ не биле засегнати од инцидентот, а чувствителните податоци како што се содржината на разговорот, лозинките и АПИ клучевите останале целосно безбедни, наведува Нова.рс.
Препорачано
Што точно се случило
Микспанел открил пробив во своите системи на 9 ноември 2025 година. Напаѓачот можел да извезе збир на податоци што содржи кориснички податоци и аналитика. Микспанел веднаш го известил ОпенАИ и ги проследил засегнатите податоци за преглед на 25 ноември.
ОпенАИ потврдува дека ниту еден од неговите системи не бил компромитиран и дека не биле изложени чувствителни податоци – како што се содржина за разговор, АПИ барања, АПИ клучеви, лозинки, информации за плаќање или документи за идентификација. Беа изложени само аналитички податоци од платформ.опенаи.ком (platform.openai.com).
Кои информации беа потенцијално изложени на нападите
Збирот податоци вклучуваше:
- Името наведено на АПИ сметката,
- е-поштата поврзана со сметката,
- приближната локација (град, држава, земја) од метаподатоците на прелистувачот,
- информации за оперативниот систем и прелистувачот,
- веб-страницата од која доаѓа корисникот,
- организацијата или корисничкиот Ај-ди(ID)
Содржината на разговорот, барањата, одговорите, употребата на АПИ, лозинките, АПИ клучевите, финансиските податоци, владините документи или сметките на Четџипити (ChatGPT) не беа изложени.
Како одговори ОпенАИ
ОпенАИ веднаш го отстрани Микспанел од производство и започна детална анализа на податоците. Компанијата ги известува сите засегнати корисници и организации, а воедно ги заострува и контролите врз сите надворешни партнери.
Воведените мерки вклучуваат:
- Трајно отстранување на Микспанел од системот ОпенАИ,
- засилени безбедносни проверки на сите партнери,
- построги безбедносни стандарди за добавувачите,
- сеопфатен преглед на целиот екосистем на добавувачи.
ОпенАИ нагласува дека безбедноста, приватноста и транспарентноста се клучни делови од нивната мисија.
