Седумте земји од групата „ОПЕК плус“ се согласија да го зголемат ограничувањето за производство на нафта во август за 188.000 барели дневно во споредба со јулското ниво.

Саудиска Арабија, Русија, Ирак, Кувајт, Казахстан, Алжир и Оман постигнаа договор за ова.

-Како дел од нивната заедничка посветеност за зачувување на стабилноста на пазарот на нафта, седумте земји учеснички одлучија да спроведат корекција на производството од 188.000 барели дневно во согласност со дополнителните доброволни намалувања на производството објавени во април 2023 година – се вели во соопштението по виртуелниот состанок.

„ОПЕК“ наведува дека во август на Русија ќе ѝ биде дозволено да го зголеми производството на нафта за 62.000 барели дневно во споредба со јули, на вкупно 9,887 милиони барели дневно. „ОПЕК плус“ објави дека следниот состанок ќе се одржи на 2 август.

Цените на нафтата паднаа, индексите на берзите пораснаа