Огромна е желбата и кај Елмас – јасна порака од „Дијамантот“! (ФОТО)
После завршувањето на квалификациите за ЕП 2020, македонската фудбалска А репрезентација го освои третото место во својата група како најдобар пласман во историјата на едни квалификации.
За нашата најдобра фудбалска селекција останува уште една опција за пласман на континенталниот собир, а тоа е Лигата на нации.
Во новото УЕФА натпреварување ни се потребни уште две победи за историски пласман.
На тоа се надева и еден од нашите најталентирани фудбалери Елиф Елмас кој се огласи на својот „Инстаграм“ профил:
– Трето место, историја. ЕУРО 2020 нѐ чека – напиша Елмас.
Во квалификациската група „Г“ токму нашиот фудбалски „Дијамант“ беше најефикасниот стрелец на Македонија со четири голови, односно трет стрелец во оваа група зад Еран Захави (Израел, 11) и Марко Арнаутовиќ (Австрија, 6).
