Речиси 100.000 долари биле украдени од домот на поранешната НБА ѕвезда Винс Картер во Џорџија додека неговата сопруга и децата се криеле во спалната собa, соопшти полицискиот оддел на Атланта.

Според извештајот за инцидентот сопругата на Винс, Сонди, била во кревет со своите две деца околу 23:50 часот кога слушнала „гласни звуци“ од предниот дел на нејзиниот дом.

Сонди се јавила во полиција, а потоа се сокрила во плакарот во спалната соба со нејзините синови, се вели во извештајот. Додека биле внатре, семејството слушнало како криминалците „претураат по нивните работи во различни соби“.

Полицаец пристигнал во домот на Картер и ги бркал крадците, но тие успеле да побегнат. Полицијата пронашла 16.000 долари во дворот на семејниот дом на Винс (кој не бил дома во тоа време), што им испаднале на крадците. Но поголемиот дел од 100.000 долари не бил најден.

Торонто Репторс го избра Винс на драфтот на НБА во 1998 година. Тој играше 22 сезони пред неговото пензионирање во 2020 година и сега е НБА аналитичар за ЕСПН.