Канцеларијата на Дисциплинскиот обвинител на обвинителството на Босна и Херцеговина покрена предмет против судијката Лејла Нумановиќ од Градачац, која одбила да изрече забрана за зприближување на Сулејмановиќ на убиената Низама Хеќимовиќ, по предлог на полициската управа Градачац,.

Канцеларијата на дисциплинскиот обвинител на Високиот судски и обвинителски совет на Босна и Херцеговина (Канцеларијата) формираше случај по службена должност врз основа на написи објавени во медиумите за дејствијата на судија на Општинскиот суд во Градачац. Канцеларијата преку истрага ќе ги утврдува релевантните факти за случајот, за да ги испита наводите за повреда на службената должност на судијата во процесот на одлучување., објави порталот „Аваз.

Тројниот убиец Нермин Сулејмановиќ пред неколку дена брутално ја ликвидираше својата невенчана сопруга Низама Хеќимовиќ, уби уште две лица, рани тројца, а потоа се самоуби.

Само четири дена пред бруталното убиство на Хеќимовиќ, судијата на Општинскиот суд во Градачац, Лејла Нумановиќ донесе одлука со која го отфрли предлогот на полициската управа Градачац да му наложи на Нермин Сулејмановиќ мерки за забрана нза вознемирување, следење и приближување кон жртвата.

Судот ја донесол оваа одлука иако Хеќимовиќ на неколкупати го пријавувала Сулејмановиќ за семејно насилство поради што и побегнала од нивниот заеднички дом.