Официјално: Пауновиќ е нов селектор на Србија, го чека пеколно деби
Вељко Пауновиќ е нов селектор на фудбалската репрезентација на Србија, на местото на Драган Стојковиќ – Пикси. Пауновиќ неодамна доби отказ од шпански Овиедо, а во Фудбалскиот сојуз на Србија сметаат дека токму тој е најдоброто решение за наследник на Пикси.
Препорачано
Во својата тренерска кариера Пауновиќ работеше пет клубови (Рединг, Чикаго Фајер, Чивас, Тигрес и Овиедо), но најголемиот успех го запиша токму со младинската репрезентација на Србија – до 20 години.
Тој во 2015 година ја водеше селекцијата до историскиот трофеј на Светското првенство за младинци на Нов Зеланд, каде Србија во финалето го совлада Бразил со 2:1 по продолженија.
„Шансите за пласман сè уште постојат, а токму затоа Вељко Пауновиќ прифати да ја преземе репрезентацијата со целосна посветеност“, изјави генералниот секретар на ФСС, Бранко Радујко.
Дебито ќе го има на 13 ноември и тоа против Англија во Лондон. Инаку, за нас интересно е и што Пауновиќ е роден во Струмица.
Преземено од: Спорт.ком.мк
