Денеска Манчестер јунајтед ја информираше јавноста дека Кристијано Роналдо ќе си замине од англискиот клуб.

Португалецот имаше важечки договор со „црвените ѓаволи“ до 30 јуни 2023 година, но истиот одлучи спогодбено да го раскине.

Англичаните му се заблагодаруваат за неговиот огромен придонес во двата периоди (2003-2009 и 2021-2022) на „Олд Трафорд“.

– Сите во Манчестер јунајтед остануваат фокусирани на продолжување на напредокот на тимот под водство на Ерик тен Хаг и да работат заедно за да постигнеме успех на теренот – информираат од клубот.

Роналдо севкупно за „црвените ѓаволи“ имаше 145 голови во 346 настапи. Моментно е со португалската репрезентација за настапот на Светското првенство во Катар.

Доста реакции предизвика интервјуто кое го имаше Роналдо со Пирс Морган во кое призна дека клубот го изневери, дека не е почитуван од Јунајтед и дека остана на истото ниво како пред 20 години, кога за првпат дојде од Спортинг.

Cristiano Ronaldo is to leave Manchester United by mutual agreement, with immediate effect.

The club thanks him for his immense contribution across two spells at Old Trafford.#MUFC

— Manchester United (@ManUtd) November 22, 2022

ВИДЕО | Роналдо: Се чувствувам изневерено, Тен Хаг не е единствениот кој сака да си заминам

Кристијано Роналдо со нови обвиненија: Тен Хаг ме провоцираше