Торино ќе биде нов дом за талентираниот Шејн Ван Ерл, откако италијанскиот гигант Јувентус постигна договор со холандскиот клуб Ејндховен за негов трансфер. Веста беше потврдена од редовите на второлигашот, каде што младиот играч сè уште го чека своето деби во сениорската конкуренција.

Со 18 години, Ван Ерл е член на младата репрезентација на Холандија до 19 години, а неговиот развој не помина незабележано од страна на „старата дама“.

Со овој трансфер, Јувентус повторно потсетува на случајот со Дин Хујсен, уште еден холандски бисер кој на 16 години премина во редовите на торинскиот клуб од Малага. Хујсен помина три години во Италија, пред да го купи англискиот Бормут за 15 милиони евра. Денес, тој е желба на неколку елитни европски клубови.

За трансферот зборуваше и директорот на холандскиот второлигаш, Марк Шеперс.

„Во фудбалот понекогаш сè се движи многу брзо, а Шејн е жив доказ за тоа. На само 18 години покажува стабилност и зрелост каква што ретко се гледа, и затоа интересот од големите клубови не изненадува. Иако му понудивме план за иднината во нашиот клуб, кога Јувентус ќе се појави на вратата – разбираме зошто ја донесе таа одлука. Горди сме на него и на работата на нашата академија,“ изјави Шеперс.

Witte rook uit Italië… 💨

De bevestiging liet even op zicht wachten maar Shane van Aarle gaat FC Eindhoven verlaten en maakt een droomstap naar het Italiaanse Juventus.

Meer: https://t.co/xCwJsveps8
#FCEindhoven @academyFCE pic.twitter.com/UD9tYY0i01

— FC Eindhoven (@FCEindhoven) May 14, 2025