Кошаркаркиот клуб Гостивар ја информираше јавноста дека нов тренер на екипата е Јорданчо Давитков. Клубот му се заблагодари на Никола Димитриевски за досегашната соработка.

Давитков со Гостивар ќе се обиде најпрвин сезонава да обезбеди место во плеј-офот, а потоа и се бори за шампионскиот трофеј.

Тимот влезе во серија лоши резултати, има четири порази во низа, за моментно осмо место на табелата (4-8).

Давитков се очекува да го има дебито на клупата на 23 декември на домашен терен против актуелниот шампион МЗТ Скопје.

Нашиот поранешен селектор последен пат водеше македонска екипа во сезоната 2007/2008 кога беше на клупата на Струмица 2005. Ги водеше и Работнички, Неметали Огражден, Балкан Стил, Поло Трејд, Никол Ферт (сегашен Гостивар).

Има и искуство од странство, беше дел од Снајфел, Ал Јахраа, Ал Васл Дубаи, Ал-Шааб, Банијас Клуб, Ал Кадсија, а беше дел и до селекцијата на Кувајт.