Одредени полуфиналните парови на Светското првенство во ватерполо
Ватерполистите на Франција обезбедија пласман во полуфиналето на Светското првенство, откако денеска ја совладаа селекцијата на Унгарија со 11:10 во четвртфиналната фаза.
Верну во победничките редови беше најефикасен со пет погодоци, а три запиша Заланки на спротивната страна.
Противник во полуфиналето на Французите ќе биде Хрватска која со 15:13 ја елиминираше Србија.
Кај Хрватите Фатовиќ стрелаше четири пати, а три пати Рашовиќ кај Србите.
Втората полуфинална двојка е Шпанија – Италија, шпанските ватерполисти со 15:12 триумфираа над Црна Гора, додека Италијанците минимално со 11:10 славеа против Грција.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот