Одбојкарската репрезентација на Македонија очекувано со максимални 3:0 (25:21, 25:21, 25:21) го совлада Кипар во првиот натпревар од шестиот настап во ЦЕВ Европската лига.
Одбојкарите одтварија рутинска победа во салата „Парк“ во Струмица, постојано имаа контрола на резултатот, не се потрошија премногу, а ја завршија работата против аутдајдерот во нашата група.
– За нас ова е очекувана победа иако можеби ја извојувавме потешко отколку што мислевме. Најважно е што победивме и сега треба да се насочиме кон другите натпревар со противници коишто се посериозни, но без оглед на тоа целта е да оствариме три победи на првиот турнир – изјави капитенот Никола Ѓорѓиев.
Во другиот натпревар од групата „А“, Данска го совлада Израел со 3:2 во сетови. Утре, Македонија ќе игра со Израел, додека Кипар ќе игра против Данска.