Одбележан Светскиот ден на дивиот свет: Да ги заштитиме дивите видови флора и фауна во земјава
Нашата држава е исклучително богата со диви видови на флора и фауна и наша задача и обврска кон генерациите што доаѓаат е соодветно да ги заштитиме, порача министерката за животна средина и просторно планирање Каја Шукова, по повод 3 март – Светски ден на дивиот свет
Препорачано
Во рамките на новиот тековен проект поддржан од ЕУ „Подобрување на капацитетите за Натура 2000 и CITES” планирани се активности за подобрување на законска и институционална рамка, преку изготвување на нов Закон за CITES, воведување на дигитализација на системот за издавање дозволи, зајакнување на административните капацитетите на национално ниво, унапредување на размената на информации и соработката поврзана со имплементација на CITES, најави министерката.
Овогодишното мото на одбележувањето на овој ден е „Партнерства за зачувување на дивиот свет” и има за цел да го потенцира виталното значење на партнерствата на национално и локално ниво и вклучување и соработка на сите засегнати страни за да се обезбеди одржливоста и зачувувањето на дивиот свет.
МЖСПП заедно со aмбасадорот Дејвид Гир се приклучија кон одбележувањето на 3 март – Светскиот ден на дивиот свет и 50 годишнината од Конвенција за меѓународна трговија со загрозени видови на дива фауна и флора – CITES.
