Поради изведување на градежни работи, од денеска па  сѐ до завршување на работите, ќе биде воведен привремен сообраќаен режим на улицата „Ферид Мурад“ , поранешна „Лазо Трповски“.

Од Општина Чаир апелираат до граѓаните и до сите учесници во сообраќајот да го почитуваат сообраќајниот режим и поставената сигнализација и да не ги паркираат возилата во зоната каде што се изведуваат работите, со цел непречено и безбедно одвивање на изградбата.

Непочитувањето на ова известување ќе биде санкционирано согласно важечките законски одредби. Општина Чаир им се заблагодарува на граѓаните за разбирањето и соработката – велат од Чаир.