Родителите, наставниците, воспитувачите и сите кои работат со деца и се занимаваат со детскиот развој и едукација на 30 септември и 1 октомври ќе имаат можност да го надградат своето знаење на семинарот што го организира NTC систем и NTC Скопје, а предавањето ќе го одржи токму авторот на овој систем, д-р Ранко Рајковиќ, чии предавања уживаат да ги слушаат сите родители од земјите од поранешна Југославија.

Придобивките од овој семинар на тема „Учење низ игра“, се изучување на нови методи и техники кои директно влијаат врз позитивниот развој на децата, преку игри што се лесно применливи во секојдневието.

Д-р Ранко Рајовиќ е автор на NTC програмата, специјалист по интерна медицина, магистер по неврофизиологија, доктор на спортски науки, соработник на УНИЦЕФ за рано образование, претседател на Менса на Србија во два мандати како и претседател на Светскиот комитет на Менса за надарени деца. Тој врз база на своите истражување во областа на неврофизиологијата и невроендокринологијата е автор на програмата NTC (Никола Тесла Центар) која секојдневно може да се применува во училниците и во секојдневниот живот.

Пријавата за семинарот е достапна на следниот линк, а местата се ограничени. Првиот дел од семинарот се одржува на Педагошки Факултет Св.Климент Охридски в сабота, а вториот дел од семинарот ќе се одржи во ПСУ „Јахја Кемал“ в недела.
Примарната улога на програмата NTC е да користи нови откритија во областа на невронауката во училниците и во секојдневниот живот. Програмата за учење НТЦ е составена од различни активности и игри за деца, кои се засноваат на знаење за развојот и работата на мозокот и кои, како што покажуваат многу студии, позитивно влијаат на развојот на мозокот во периодот кога е најважно. , во периодот на најинтензивен раст и развој., од раѓање до приближно десетгодишна возраст. Играта како внатрешна мотивација на детето е клучен фактор во програмата NTC.

Програмата NTC веќе деветта година се спроведува во неколку европски земји, а започна да се шири и надвор од границите на Европа. Програмата NTC се спроведува во 17 европски земји, а е акредитирана од Министерството за образование во седум земји (Србија, Словенија, Хрватска, Чешка, Црна Гора, Македонија и Босна и Херцеговина). Во други земји се спроведува во соработка со образовните институции (Италија, Грција, Шведска, Исланд, Унгарија, Романија, Бугарија, Швајцарија, Словачка и Полска).

Програмата NTC се карактеризира со три фази на имплементација. Интегрален дел од првата фаза се активностите за поддршка на развојот кои вклучуваат сложени моторни активности вклучувајќи фини моторни вештини, динамично сместување на очите, ротација, рамнотежа и движење. Втората фаза од програмата NTC се карактеризира со мисловни класификации, мисловни серии и асоцијации, додека третата фаза претставува работа на развој на дивергентно и конвергентно размислување, како и функционално знаење. Сите три фази од програмата NTC се спроведуваат преку игра, што како суштинска потреба на детето е клучен фактор во спроведувањето на НТЦ програмата. Овие три фази го комбинираат сензорно-моторниот и когнитивниот развој на детето.