Во понеделник во 18 часот ќе биде осветлена новогодишната елка, која ќе биде поставена на плоштадот „Македонија“.

Град Скопје веќе ги информирал основните училишта, со повик до учениците да присустуваат на настанот кој ќе го врати духот и магијата на новогодишните празници во Скопје.

Да се собереме сите заедно во срцето на градот, да ја почувствуваме празничната атмосфера, да ја споделиме радоста и да го означиме почетокот на празничните случувања исполнети со музика, светлина и добро расположение. Веруваме дека вашата поддршка и присуство ќе му даде дополнителна топлина и радост на овој празничен настан и ќе придонесе за заедничко создавање на убава празнична атмосфера и сплотување на нашата зедница, се вели во дописот до училиштата.