Новиот „Пирло“ во Милано, лекарски прегледи, па потпис! (ВИДЕО)
Досегашниот фудбалер на Бреша, Сандро Тонали прво треба да ги помине задолжителните лекарски прегледи, а потоа и да го потпише петгодишниот договор со Милан.
Како што уште го нарекуваат новиот „Андреа Пирло“, иако се поврзуваше и со други врвни италијански клубови, на крајот одлучи да биде дел од „росонерите“.
Според тамошните медиуми, 20-годишниот играч од средниот ред се согласи за позајмица до крајот на сезоната, а Бреша прифати истата да биде вредна 10 милиони евра.
#Tonali arrivato al Centro Ambrosiano Di Medicina Dello Sport per l'idoneità sportiva#Milan pic.twitter.com/R34gg4Qv9i
— Antonio Vitiello (@AntoVitiello) September 9, 2020
Клубот од „Сан Сиро“ ќе ја има можноста за откуп на договорот за 15 милиони евра, и додатни 10 милиони како бонуси.
Исто така Бреша ќе добие 10 отсто од наредниот трансфер Тонали кој играше добро во дебитантската сезона во Серија А, но не успеа да му помогне на клубот да обезбеди опстанок.
Досега одигра три натпревари за најдобрата фудбалска репрезентација на Италија.