Новак Ѓоковиќ на два чекори од магичната бројка на АТП листата
Најдобриот светски тенисер Новак Ѓоковиќ со титулата на Мастерсот во Париз ја зголеми предноста пред ривалите на АТП листата.
Ѓоковиќ сега има 9,945 поени, што е за 1,490 повеќе од Карлос Алкараз, кој уште на стартот го заврши својот настап во Париз.
Еден триумф на Завршниот Мастерс во Торино ќе му биде доволен на Ѓоковиќ за да ја заврши годината на првото место.
Србинот ја започна својата 398 недела на врвот на АТП-листата и е многу блиску до магичната бројка од 400 недели.
Данил Медведев остана на третото место со 7,200 поени, Јаник Синер е четврти со 5,490, Андреј Рубљов петти со 5,205 и Стефанос Циципас шести со 4,435 поени.
Каспер Руд напредуваше за едно место и сега е седми со 3,625 поени. Следат Александар Зверев со 3,585 и Тејлор Фриц со 3,500 поени, додека Холгер Руне падна на 10 позиција со 3,460 поени.
