Во Србија е разрешен началникот на Одделот за борба против зависности од дрога и шверц со наркотици на УКП, Раде Поповиќ, кој ја водеше истрагата што доведе до заплена на пет тони марихуана во селото Коњух во близина на Крушевац, објави Нова.рс.

Марихуаната беше запленета во магацините на компанијата „Флораком“ во сопственост на Раде Спасојевиќ, советник на владејачката Српска напредна партија во Крушевац.

На местото на сменетиот Поповиќ е поставен Душан Перовановиќ, кој претходно бил член на Единицата за обезбедување на одредени лица и објекти (ЈЗО). Перовановиќ првично работел во рамките на Службата за борба против организиран криминал (СБПОК), како и во Секторот за внатрешна контрола, наведува Нова.рс.

Освен поранешниот началник Поповиќ, разрешен е и неговиот заменик Никола Ѓоковиќ, кој е распореден на нова позиција.

Н1: На денот на историската заплена на 5 тони марихуана од Македонија во Србија, двајца клучни началници добија „чистка“ од одделот