НОВА ИНТЕРНЕТ ИЗМАМА: Доколку ви стигне ваква порака на Вајбер, ВЕДНАШ ПРИЈАВЕТЕ
Доколку некој проба да ве измами, блокирајте го, а „принтскрин“ можете да пратите на Вајбер, за тие да знаат за тоа и да ги предупредат и другите корисници.
Овие денови ширум светот, на мобилните телефони на корисниците на апликацијата Вајбер стига невообичаена порака.
Наводно, корисници добиле порака од „сомнително потекло“ од бројот +79183301602 во која се наведува дека баш тие се среќни добитници на „интернационален вајбер награден фонд“.
Во пораката се наведува дека наградата е 500.000 американски долари, а за да ги примите парите морате да пратите меил побарување, а со тоа и додатни информации, што директно наведува дека ќе ги оставите своите податоци и меил адресата на некого, а со тоа и да му овозможите да ги злоупотреби.
Како и секогаш, станува збор за уште една интернет измама од која треба да внимавате, а совет е на ваквите пораки никогаш да не се одговара и лозинките за пристап на електронската пошта редовно да се ажурираат. Ваквиот вид на пораки главно имаат за цел да крадат лични податоци и да преземат контрола над електронската пошта на жртвата.
Така да, доколку на Вајбер ви стигне порака со ваква содржина, не дозволувајте да бидете измамени.