На површина од 10 илјади метри квадратни е изграден нов парк во населеното место Радишани, каде е поставена урбана опрема, ново лед осветлување и ново детско катче.

Со ова, според градоначалникот Дарко Костовски е реализирано повеќедецениското барање на жителите од Радишани.

Во рамките на паркот, на дел од површината, односно на 4 илјади квадрати е изграден плоштад и пешачки патеки, додека остатокот е зеленило.

Целиот парк е осветлен со модерно лед осветлување. Паркот има и голема површина на зеленило кое се протега на 6.000 метри квадратни за сето ова убаво да изгледа. Поставен е и посебен систем за наводнување. Вкупна вредност на проектот е 19.993.529 денари. Моите сограѓани го добија тоа што го чекаа со децении. Убеден сум дека ова ќе биде ново централно место во населба Радишани на кое сите ќе се собираме и ќе се дружиме – вели Костовски.