Центарот за управување со кризи (ЦУК) соопшти дека вечерва голема карпа се одронила на автопатот Скопје-Велес кај Катлановскиот тунел, а камења и натаму паѓаат, па возачите се советуваат да бидат крајно внимателни.

„По тунелот од Скопје кон Велес кај Катланово има голем одрон на една лента. Паѓаат камења и е опасно. Од страна на Центарот за управување со кризи, случајот е пријавен во ЈП за одржување на магистрални и регионални патни правци, како и во МВР – во нивниот оперативен центар“, велат од ЦУК.

Изминативе денови, по обилниот дожд, зачестија одроните на автопатот Скопје-Велес, но и на други патишта низ Македонија.

Огромна карпа се сруши врз коловозот – голем одрон на автопатот Скопје-Велес