Нов доказ дека на Антарктикот се случува голема промена: Растенијата зафаќаат сè поголема територија
Двата вида растенија кои се автохтони на Антарктикот рапидно се шират поради зголемувањето на температурите, се вели во студијата во која се покажуваат како промените во кревките поларни екосистеми се забрзаа во изминатата деценија, пишува Гардијан.
Зголемувањето на бројот на растенија од 2009-та година до сега се зголеми повеќе отколку во претходните 50 години заедно, што се совпаѓа со брзото зголемување на температурата на воздухот и намалувањето на бројот на фоките, велат истражувачите кои работат на островот Сигни на јужните Оркнејски Острови.
Во претходнава деценија, затоплувањето во летата се зголемиле од 0.02 степени на 0.27 степени годишно, иако ваквите температури се намалија во 2012 година.
„Копнените екосистеми на Антарктикот брзо реагираат на овие климатски промени“, рече водечкиот истражувач проф. Николета Каноне, од Универзитетот во Комо, Италија. „Очекував зголемување на овие растенија, но не од оваа големина, добиваме повеќе докази дека се случува голема промена на Антарктикот“.
Растенијата се прилагодени на многу кратка сезона на растење и се способни да извршуваат фотосинтеза во снежни услови со температури на воздухот под 0 степени. И покрај тоа што се способни да се размножуваат брзо и во сурови климатски услови, тие не се добри во конкуренција со други неавтохтони растенија. Иако затоплувањето може да биде од корист за некои изолирани автохтони видови, тоа во голема мера го зголемува ризикот од воспоставување на неавтохтони видови кои би можеле да ги надминат домашните видови и да предизвикаат неповратна загуба на дивиот свет, предупредуваат истражувачите.