Ниту блиски пријатели не знаеле дека Кејт Мидлтон има рак: „Тоа беше огромен шок за нас!“
Британската принцеза Кејт Мидлтон минатата недела го шокираше светот со објавата дека има рак, а се чини дека ниту нејзините блиски пријатели не знаеле ништо за нејзината здравствена состојба.
– Тоа беше огромен шок. Само многу тесен круг на луѓе знаеја што се случува – рекол неименуван пријател на принцезата за „Пипл“.
Во видеото кое го шокираше светот на 22 март, принцезата Кејт откри дека ѝ бил дијагностициран рак и дека е се подложува на хемотерапија. Кејт зборуваше за тоа како дијагнозата на почетокот била тајна за „благосостојбата на нивното младо семејство“, а гласот ѝ „пукнал“ кога ги спомнала своите деца – принцот Џорџ, принцезата Шарлот и принцот Луис.
– Добро сум и секој ден станувам сè посилна со тоа што се фокусирам на работите кои ќе ми помогнат да оздравам – во мојот ум, телото и духот. Во овој момент мислам и на сите оние чии на животи влијаел ракот. На сите кои се справуваат со оваа болест, во која било форма, ги молам да не губат верба и надеж. Не сте сами – рече Кејт во видеото.
Зад кулисите, принцезата од Велс на прво место го стави своето здравје, но таа не беше во целосна изолација. И таа и принцот Вилијам беа видени на спортски настани во последниве недели – на 16 март, парот беше фотографиран заедно купуваат во фармата во Виндзор.
– Многу е важно заедно да се забавуваат кога можат. Тука станува збор за тоа таа да чувствува поддршка. Таа воопшто не се чувствува изолирано – рекол семеен пријател.
Во деновите по објавата на Кејт, таа и Вилијам се фокусираа на своите деца, кои во моментот се на велигденски празници. Петчленото семејство ќе ја прескокне традицијата и нема да присуствува на кралската велигденска служба во капелата Свети Џорџ во замокот Виндзор и наместо тоа ќе го помине долгиот викенд во приватност на својот дом.
Кејт Мидлтон и принцот Вилијам се трогнати од љубезните пораки од јавноста по дијагнозата