По повеќемесечни обиди и неуспешни преговори со големи имиња како Душан Влаховиќ и Расмус Хојлунд, Милан конечно го пронајде својот нов предводник во нападот, Виктор Бонифејс, напаѓачот од Баер Леверкузен.

24-годишниот Нигериец ќе биде новото офанзивно оружје на „росонерите“, кои се надеваат дека токму тој ќе донесе свежина и ефикасност во новата сезона. Во изминатата сезона Бонифејс постигна 9 гола на 18 натпревари за Леверкузен, иако голем дел од сезоната го мина надвор од терените поради повреда.

Милан го доведува Бонифејс на едногодишна позајмица за пет милиони евра, со право на откуп за дополнителни 24 милиони на крајот од сезоната. Доколку се активира таа клаузула, договорот на Бонифејс со Милан ќе важи до 2030 година.

„Росонерите“ новата сезона во Серија А ја започнуваат в сабота во 20:45 часот со дуел против Кремонезе.

🚨❤️🖤 Victor Boniface to AC Milan, here we go! Verbal agreement between all parties for the Nigerian striker.

€5m loan fee, €24m buy option clause not mandatory and contract until 2030 also done.

Next step; medical tests ahead of signing all contracts. 🇳🇬 pic.twitter.com/tRui7Z95xs

— Fabrizio Romano (@FabrizioRomano) August 21, 2025