Додека Талибанците со застрашувачка брзина освојуваат големи делови на Авганистан, на Твитер стана вирална снимка од девојка која плаче за својата неизвесна иднина.

„Ние не сме важни затоа што сме родени во Авганистан“, вели девојката низ солзи.

„Никој не се грижи за нас“, продолжува таа. “Ќе умреме полека во историјата. Зарем не е смешно?” вели девојката.

"We don't count because we're from Afghanistan. We'll die slowly in history"

Tears of a hopeless Afghan girl whose future is getting shattered as the Taliban advance in the country.

My heart breaks for women of Afghanistan. The world has failed them. History will write this. pic.twitter.com/i56trtmQtF

— Masih Alinejad ?️ (@AlinejadMasih) August 13, 2021

Видеото, кое сега има околу 580.000 прегледи, прво го сподели активистот за човекови права Масих Алинеџад.

„Моето срце се крши за жените во Авганистан“, напиша таа.

Во претходниот период на владеење на Талибанците, на авганистанските жени не им беше дозволено да работат, студираат или да се лечат кај машки лекари, освен кога се придружувани од маж. На жените што го прекршиле законот им се заканува затвор, јавно камшикување, па дури и погубување.

„Талибанците веќе воведоа строги ограничувања за човековите права на жените“

Откако Талибанците ја загубија власта во 2001 година, меѓународната заедница работеше на отворање училишта за девојчиња и поттикнување на вработување на жени.

Генералниот секретар на ОН, Антонио Гутереш вчера изјави дека Талибанците веќе воведуваат строги ограничувања за човековите права на жените во областите што моментално се под нивна контрола.

„Особено е застрашувачки и срцепарателно да се видат извештаи за одземање на тешко стекнатите права на авганистанските девојки и жени“, додаде тој.