Неверојатна донација на Мајкл Џордан: 100 милиони долари во борбата против расизмот
Убиството на Џорџ Флојд ги крена граѓаните на САД на масовни протести во кои бараат конечно да се искорени расизмот.
Веќе неколку дена низ речиси сите големи градови во САД има масовни протести поради бруталноста на полицијата и бараат да се почитуваат правата на Афроамериканците.
Сега со конкретен потег во борбата за еднаквост се вклучи и најдобриот кошаркар на сите времиња, Мајкл Џордан. Тој ќе донира дури 100 долари во борбата против расизмот.
„Брендот Џордан сме ние, црната заедница. Тоа е повеќе од еден човек, секогаш бил семејство. Ние претставуваме гордо семејство кое ги надмина сите препреки, се бореше против дискриминацијата во заедниците ширум светот и која работеше и работи секојдневно за да го искорени расизмот и неправдата.
Денеска објавуваме дека Мајкл Џордан и брендот Џордан ќе донираат 100 милиони долари во наредните 10 години на организации кои се посветени на борбата против расизмот и обезбедување на расна рамноправност, социјална правда и подобрување на образованието“, стои во дел од соопштението на Мајкл Џордан и на неговата компанија.
Joint Statement from Michael Jordan & Jordan Brand regarding $100m donation. pic.twitter.com/yYXWh5eBZl
— Estee Portnoy (@esteep) June 5, 2020