Несторовски: Милевски не сакаше фудбалери со силен карактер, сакав барем искрено да кажеше
Поранешниот македонски репрезентативец, Илија Несторовски во интервју за „Моцарт Спорт“ зборуваше на разни теми, а една од нив беше и македонската репрезентација.
Препорачано
Несторовски зад себе има 50 настапи во националиот тим, меѓутоа во последните години не добиваше повик од сега веќе поранешниот селектор на Македонија, Благоја Милевски.
Според зборовите на Несторовски, Милевски не го повикувал во националниот тим поради неговиот силен карактер.
„Не би кажал дека имало конфликт. Благоја Милевски не сака играчи со посилен карактер, тогаш кажа дека не се вклопувам тактички, но тоа не држи. Сакав да кажеше искрено, но на крајот секој прави избор за кој мисли дека е исправен“, изјави Несторовски.
Несторовски се потсети и на отсуството од Европското првенство каде што не настапи за Македонија поради повреда на лигаментите која ја заработи само на еден месец пред почетокот на турнирот.
„Неверојатно е што една мала земја успеа да стигне до Европско првенство. Жалам што немав прилика да играм на завршиот турнир. На еден месец пред почетокот ги скинав предните вкрстени лигаменти. Останав да бидам само како морална поддршка“, изјави Несторовски.
Комплетното интервју на Несторовски можете да го прочитате – ТУКА.
