Непрофесионалната и нестабилна дипломатија ја ослабува позицијата на Косово, сметаат експертите – Слободен печат
ВестиПланета

Непрофесионалната и нестабилна дипломатија ја ослабува позицијата на Косово, сметаат експертите

Во извештајот на премиерот во заминување Рамуш Харадинај не се споменува да што направила косовската влада за да дојде до нови признанија на Косово.

Професорот по меѓународно право Африм Хоти изјави дека Косово во дипломатијата направило многу грешки.

– Направивме многу грешки во чекорите, не изградивме екстерна служба, го вградивме непотизмот и воведовме непрофесионална и нестабилна дипломатија – рече Хоти и додаде дека Косово не е во можност да ја консолидира дипломатијата и затоа се соочува со проблеми.

Невладините организации исто така сметаат дека косовското Министерство за надворешни работи не е доволно активно. Бутрини Бериша од пришнинскиот Институт за политички студии, вели дека позицијата на Косово е најслаба од прогласувањето на независност.

– Тоа се одрази со недостаток на нови признанија и неуспешни обиди за членство во меѓународните организации – рече Бериша.

Во извештајот на премиерот во заминување Рамуш Харадинај не се споменува да што направила косовската влада за да дојде до нови признанија на Косово.

Барбадос е последната држава која ја призна независноста на Косово во 2018 година, потсеќа „Газета Експрес“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close