Канболат Горкем Арслан, познатиот турски глумец, почина на 45-годишна возраст. Неговото здравје нагло се влошило додека бил дома во Истанбул, по што итно бил пренесен во болница, каде обидите за спасување, за жал, биле неуспешни.

Според турските медиуми, Арслан се почувствувал лошо во својот дом синоќа, а медицинските екипи што пристигнале по повик и го одвеле во болница. Сепак, и покрај сите напори, лекарите не успеале да го спасат.

Особено ќе остане запаметен по улогите во серијата „Љубов, вера, надеж“, каде го играше Мехмет Ханџиоглу, како и во серијата „Езел“, каде ја толкуваше улогата на Месут Суреа.

Смртта на Канболат Горкем Арслан ја потврди неговиот менаџер Селин Кек. Во соопштението се вели:

„Длабоко тажиме поради загубата на нашиот вреден актер, Канболат Горкем Арслан. Молиме за Божја милост за него и изразуваме сочувство и молитви за сила на неговото семејство, саканите и пријателите. Деталите за погребот ќе бидат објавени подоцна. Нека почива во мир“.