Бистите на поетите и писатели Никола Вапцаров и Коле Неделковски викендов се украдени од Градскиот парк во Скопје, а постаментите на кои стоеја се урнати.

Според пријавата која ја добила полицијата, кражбата се случила на прометната патека која води од паркот кон градскиот стадион, во саботата ноќта.

„На 2 октомври во 9:52 часот во СВР Скопје било пријавено дека биле оштетени спомениците на Коле Неделковски и Никола Вапцаров, а биле одземени и бистите. Се преземаат мерки за расчистување на случајот“

Пред кражбата, непознатите арамии ги турнале постаментите на двете спомен-обележја, а потоа речиси хирушки прецизно се отсечени бронзените бисти.

Спомениците на Вапцаров и Неделковски беа откриени во 2013та година, кога беа поставени бисти на уште четворица македонски поети и револуционери.“