Кошаркарите на Кливленд кавалирс се пласираа во финалето на плејофот во Источната конференција во НБА лигата откако го победија Детроит со 125:94 (31:22, 33:25, 35:26, 26:21) во решавачкиот седми натпревар од полуфиналната серија на гостински терен.

Детроит пистонс беа на една победа од својот прв пламан во финалето на Истокот од 2008 година.

Кливленд победи убедливо и се враќа во финалето на Источната конференција за прв пат од 2018 година. Негов ривал ќе биде Њујорк никс, а серијата започнува во среда од 02.00 часот по средноевропско време.

Најефикасен играч во победничкиот тим беше Донован Мичел со 26 поени, осум асистенции и шест скокови. Џарет Ален и Сем Мерил постигнаа по 23 поени. Еван Мобли придонесе со 21 поен, 12 скокови и шест асистенции.

Пистонс беа предводени од Данис Џенкинс со 17 поени и пет асистенции. Кејд Канингем и Данкан Робинсон постигнаа по 13 поени. Само Карис Леверт постигна двоцифрен број поени, вкупно 11.

Екипите на Оклахома сити и Сан Антонио ќе се сретнат во финалето на Западната конференција.