Кошаркарскиот клуб Далас маверикс доцна синоќа потврди дека по пет сезони, Џејсон Кид повеќе не е главен тренер на екипата.

Клубот објави дека се разделува со Кид, опишувајќи го потегот како заедничка одлука што доаѓа само две недели откако Маверикс го ангажираа Масаи Уџири како нов претседател на клубот.

– Додека ја оценуваме иднината на нашата кошаркарска програма, веруваме дека ова е вистинско време да заземеме нова насока за нашиот тим. Имаме големи очекувања за овој клуб и одговорност да изградиме кошаркарска организација способна за одржлива борба за титулата. Ќе спроведеме темелна, дисциплинирана потрага по нашиот следен тренер и ќе продолжиме да го оценуваме целиот наш персонал за кошаркарски операции за да се обезбедиме дека се натпреваруваме според стандардите што навивачите на Маверикс ги очекуваат и заслужуваат – рече Уџири во соопштението.

Кид имаше учинок од 205 победи и исто толку порази со Далас, и скор од 22-18 во плејофот, пласирајќи се во финалето на Западната конференција во 2022 година и во НБА финалето во 2024 година.

Оваа сезона, Далас не успеа да се пласира во плејофот, освојувајќи го 12. место на Западот.

We have mutually agreed to part ways with head coach Jason Kidd.

A Mavericks champion, Hall of Famer and coach who helped lead this franchise back to the NBA Finals. Thank you, Jason. #MFFL pic.twitter.com/6wiG4Big4q

— Dallas Mavericks (@dallasmavs) May 19, 2026