Навивачи глумеа тепачка, па го изненадија полицаецот со роденденска торта! (ВИДЕО)
Полицаецот Чакин беше сам и мораше да интервенира, но остана во чудо и беше одушевен од потегот кој го направија домашните фанови на Афјонспор.
Натпреварот од третата турска фудбалска лига помеѓу Афјонспор и 1922 година Коњаспор (4:0) беше одбележан со тепачка од навивачите минатата недела.
Така мислеше полицаецот Енгин Чакин кој го повикаа да интервенира на трибината кај домашните навивачи.
Неколку десетици навивачи „се тепаа“ на трибините, а Чакин целосно сам мораше да ги смири. Тој се најде меѓу нив, навивачите веднаш запреа и почнаа да му пеат „Среќен роденден“.
Afyonkarahisar'da geçen hafta sonu oynanan futbol maçında tribünlerdeki taraftarlar, kavga mizanseni ile polis memuru Engin Çakın'a doğum günü sürprizi yaptı. pic.twitter.com/X3BRDep9L7
— Medyanın Elli Tonu (@Medyanin50Tonu) February 20, 2020
Чакин остана во чудо, фановите знаеја дека слави роденден на денот на натпреварот, а еден од нив донесе и торта.
– Немаш избор и мораш да се јавиш на интервенцијата. Не ми беше лесно, но кога видов што се случува, бев одушевен. Горд сум на својот однос со навивачите и им се заблагодарувам од срце – рече Чакин пред турските новинари.
Освен тоа, сето тоа беше крунисано со победа на домашната екипа Афјонспор со 4:0.
