Научниците открија зошто децата не сакаат да јадат брокула
Децата обично се згрозуваат кога ќе видат само едно залче карфиол или брокула. Но, не брзајте со обвинувањето, тие сепак, не се винови за тоа.
Нова научна студија открива дека специфичен ензим во плунката, може да го смени вкусот на овој зеленчук и да го направи исклучително непријатен за некои деца, објави „Лајвсаенс“ (Livescience).
Ензимот наречен цистеин лиази, го создаваат различни типови на бактерии кои живеат во нашата уста. Истиот ензим го има и во клетките на зеленчуците кои потекнуваат од растението брасика, како што се зелката, брокулата и карфиолот. Така, кога ќе гризнеме парче брокула, овие ензими се излеваат од нивнте контејнери за складирање во составните клетки на зеленчукот.
Овие ензими го разградуваат соединението наречено метил-цистеин сулфоксид (SMCSO) во растителниот зеленчук, и овој процес на распаѓање го трансформира соединението во молекули со остар мирис.
Претходните студии спроведени кај возрасни луѓе, сугерираат на тоа дека нивото на ензимот цистеин лиази во плунката, одредува колку метил-цистеин сулфоксид (SMCSO) ќе се распадне, и според тоа, колку „смрдливи“ молекули ќе се создадат во моментот. Ова во голема мера влијае на вкусот на овие зеленчуци кај возрасните.
Авторите на студијата се прашувале, дали истата сензација се појавува и кај децата, кои во споредба со возрасните се почувствителни на горчлив и кисел вкус. Тие се сомневаат дека децата кај кои плунката продуцира поголемо количество на ензимот цистеин лиази, кај нив ќе биде поизразено гадењето од овие зеленчуци.
Според новата студија објавена на 22 септември, научниците откриле дека плунката и кај возрасните и кај децата, продуцира „смрдливи“ соединенија, без оглед на тоа дали тие ги сакаат овие зеленчуци или не. Од друга страна пак, децата чија плунка продуцира поголема концентрација на овие ензими, тие многу повеќе мразат брокула од останатите испитаници.
Поконкретно, децата се чувствителни и на соединението наречено диметил трисулфид (DMTS), мирис кој е нуспроизвод на распаѓањето на метил-цистеин сулфоксид (SMCSO), и воедно мирис што се ослободува со распаѓање на месото, вели водечкиот автор на студијата Демијан Френк, научник за хемискиот состав на храната на Универзитетот во Сиднеј.
Ако одлучите да ѝ дадете шанса на брокулата:
По мрсните и калорични јадења: Најлесен начин за спремање брокула што ќе го обожавате
Најубавите што сте ги јаделе – пилешки плескавици со брокула и моркови