Најдобрите македонски кошаркари во Гевгелија ќе играат против Данска и Норвешка
Како што најавуваат од нашата кошаркарска федерација, следните натпревари од претквалификациите за Евробаскетот 2025 македонската сениорска репрезентација ќе ги игра во Гевгелија.
Во ноемврискиот „прозорец“ на ФИБА, избраниците на селекторот Александар Јончевски ќе одиграат два натпревари против Данска и Норвешка во салата „26 Април“.
Најпрвин на 10 ноември од 19.00 часот ќе бидат домаќини на Данците, а три дена подоцна во истиот термин ќе ги пречекаме Норвежанитее.
Потсетување дека во оваа втора фаза од претквалификациите во првите две кола во август ги победивме Данска на гости со 70:73, а во Скопје бевме подобри од Словачка со 79:75.
Првопласираната селекција од групата ќе се најде директно во главните квалификации за ЕП 2025. Преостанатите селекции ќе имаат шанса во последната трета рунда од претквалификациите од каде уште четири репрезентации ќе се најдат во главните квалификации.