Американската тенисерка Џесика Пегула обезбеди пласман во полуфиналето на Австралија опен откако во четвртфиналната пресметка беше подобра од својата сонародничка Аманда Анисимова со 6-2, 7-6 (7-1). Дуeлот траеше еден час и 35 минути, а за Пегула ова е историски момент, прво полуфинале во кариерата на првиот грен-слем во сезоната.

Пегула, која важи и за најбогатта помеѓу тенисерките, професионалка од 2009 година и ќерка на американскиот милијардер Тери Пегула. Тој се наоѓа меѓу 500-те најбогати луѓе во светот, со проценето богатство од околу 6,8 милијарди долари, стекнато главно преку бизниси со недвижности и природен гас.

Тери Пегула е познат и како сопственик на НФЛ франшизата Бафало Билс, која ја купи во 2014 година за 1,4 милијарди долари, надминувајќи ја тогаш конкуренцијата на познати имиња како Доналд Трамп и Бон Џови. Покрај тоа, семејството Пегула од 2011 година е сопственик и на НХЛ клубот Бафало Сејбрес, за кој беа издвоени 189 милиони долари, по што постепено се повлекоа од најголемиот дел од нафтено-гасниот бизнис.

Во полуфиналето на Австралија опен, Пегула ќе се соочи со Елена Рибакина, која во четвртфиналето приреди изненадување елиминирајќи ја Ига Швјонтек, со 7-5, 6-1.

Во другото полуфинале силите ќе ги одмерат Белорусинката Арина Сабаленка и Украинката Елина Свитолина.