Александар Зверев го совлада Рафаел Надал со 2:0 во сетови 6:4 и 7:5 и се пласираше во финалето на Мастерс турнирот во Париз, Франција.

Противник на германскиот тенисер в недела ќе му биде Данил Медведев кој претходно во првата полуфинална битка беше подобар од Милош Раонич со 6:4 и 7:6 (4). Зверев за првпат е во финалето во Париз, а до Медведев ќе се бори за четвртата Мастерс титула.

Осум пати Шпанецот Рафа играше на овој турнир и само еднаш дојде до финалето и тоа во 2007 година. Покрај францускиот, не го освои ни Мастерсот во Мајами, како ни завршниот Мастерс – АТП финале.

На Зверев му беа потребни 100 минути за да го елиминира вториот светски рекет. Германецот во првиот сет направи еден брејк, додека на Надал не му дозволи ниту една брејк топка – 6:4.

Во вториот сет беше видена голема борба, голем број на брејк топки, но и неколку брејкови. Повторно Зверев го направи првиот брејк, поведе со 2:1, но Надал возврати во осмиот гем од вториот сет – 4:4.

Но, при резултат 5:5, Германецот и по третпат на мечот му одзема сервис на Рафа и доаѓа до 7:5. Мастерсот во францускиот главен град се игра за награден фонд од 3.901.015 евра.