Вкупно 47 папагали се запленети откако српски државјанин сакал без да ги пријави да ги внесе во државава, соопштија денеска од Царинската управа.

Иако српскиот државјанин на граничниот премин Табановце изјавил дека нема ништо за пријавување, царински службеници се посомневале и при детален преглед на возилото во багажникот пронашле кафези со папагали.

Против лицето е поднесена соодветна пријава, а надлежноста за запленетата стока, во случајов живи птици, е предадена на Агенцијата за управување со одземен имот, од каде што се соодветно згрижени.