Во Република Кипар, 57,6 отсто од населението примило една доза од вакцината, а 37,9 проценти се целосно вацинирани, според официјалните податоци од Министерството за здравство, од каде што соопштуваат дека се приближуваат до целта, до крајот на јуни да постигнат имунизациска покриеност од 65 отсто, јави допсисничката на МИА од Атина.

Додаваат дека во земјата веќе се видливи позитивните резултати од процесот на имунизација, со оглед на тоа дека е подобрена епидемиолошката слика, но намален е и бројот на хоспитализирани пациенти.

Од почетокот на пандемијата, Кипар има регистрирано 72.996 случаи на Ковид-19, а починаа 367 лица.